[b]البــــــــــــــاكلا بالدهن[/b]

الباكلا بالدهن
طبعا مايحتاج لشرح هي جدا بسيطه ولذيذة جدا
طبعا هاذا الطبق موجه للجنس الخشن فقط وبيكونا كاعدين إبوحدهم وهسه المواد

والمواد :
هي سلق باقلاء يابسه لحين ماتصير مستويه على الاخر والمي الي موجود في الجدر ( الطنجرة) ( القدر ) بيكفكم اله كثير مسميات

انجيب الخبز فد 4 كرص خبز او حسب المطلوب وتنقعيهم بالماي الباكلا وهو يفور حتى تشوف الخبز شويه بس ذبل وذاب قليل مو تسوو شوربه المهم واطلعوه تخلوه بالتبسي
بهذه الفتره السريعه اني اكون مطلعه الباكلا حتى لا تنمرد على صفحه ومن خليت الخبز المنقوع بالتبسي احط الباكلا واعصر عليها حامض
بعدين اكون
غالي الزيت وحار واخليه فوك الخبز المنقوع
يعني تكدر تكول
كميه لا هي هوايه ولا هي شويه عينك ميزانك بس لازم ترش الزيت المغلي جدا فوك الخبز كله بعدين اكون خافق البيض واحطه بالزيت الساخن واقلي تمام بالشكل الي راح اشوفه الكم او حسب ماتحب يكون البيض عيون او مخفوق وتخلي فوك الباكلا والخبز وايضا اعصر ليمون وارش قليل من الخل اني احب حسب الرغبه واني تعجبني حامضه
وارش بطنج البطنج شوي قليل عبالك رشه ملح المهم هو عشب للي ماتعرفه ولا تسئلوني عنه اكثر بعدين تكون
انت فارمه طماطه العدد (2)اثنين ناعمه
وبصله كبيره (1) ايضا ناعم
ومعدنوس فد حزمه صغيره للرش (للزينه)
وكم زيتونه للمنظر
وطبعا راح اشوفكم
بالصور
الباكلا بالدهن التقليدي
اي لحظه نسيت البيض
وطبعا بعد ما خلصناها وصار ت بالشكل الحديث